ପୃଷ୍ଠା:Aama Gangadhara.pdf/୧୨୫

ଏହି ପୃଷ୍ଠାଟି ବୈଧ ହୋଇସାରିଛି

କପା

ସବୁ ଚାଷ ସମାନ ଏକା କପା ଚାଷ
କପା ବିନା ଲୋକଙ୍କୁ ନ ମିଳଇ ବାସ
ଖାଦ୍ୟ ବିନା ମାନବ ଦୁଇ ଚାରି ଦିନ
ବଞ୍ଚିପାରେ, ନ ପାରେ ମୁହୂର୍ତ୍ତେ ହୋଇ
ସେ ବାସହୀନ ହେ ।।

ଭାରତକୁ କାର୍ପାସ୍‍ ପଳାଇଛି ଛାଡ଼ି
ନ ପାରିଲା ଦେଇ ସେ ବିଦେଶକୁ ଧାଡ଼ି
କପାଚାଷ ସ୍ୱଦେଶେ ନ ପାରିଲେ କରି
ଭାବି ଦେଖ ଭାଇ ହେ ସମୟେ ହେବ ତ
ପଶୁ ସରି ହେ ।।

ହୁଏ ଯଦି "ଈଶ୍ୱର ନ କରନ୍ତୁ ତାହା"
ଜର୍ମାନୀର ଉତ୍ପାତେ ଘଟିଅଛି ଯାହା
ତହୁଁ ବଳି ଆସିବ ଭୀଷଣ ବିପଦ
ବିଦେଶର ଜାହାଜ ହୋଇଯିବ ବନ୍ଦ
ମିଳିବ କି ଭାରତନିବାସୀଙ୍କ ବାସ
କେତେ ଦିନ ବଞ୍ଚିବ ଅନ୍ଧାର କୋଣରେ
କରି ବାସ ହେ ।।