ଏହି ପୃଷ୍ଠାଟି ବୈଧ ହୋଇସାରିଛି
ଭାରତ ଆମର ଜନ୍ମଭୂମି ।
ଆମ ଦେଶରେ ବହୁତ ପର୍ବତମାଳା ଅଛି ।
ପ୍ରଥମ ବାକ୍ୟରେ ଥିବା ‘ନ୍ମ’ଟି ବର୍ଣ୍ଣମାଳାରେ ନାହିଁ । ଦ୍ୱିତୀୟ ବାକ୍ୟରେ ଥିବା ‘ର୍ବ’ଟି ମଧ୍ୟ ବର୍ଣ୍ଣମାଳାରେ ନାହିଁ । ତେବେ ଏ ଦୁଇଟି କ’ଣ ?
ଏ ଦୁଇଟି ଯୁକ୍ତବର୍ଣ୍ଣ । କାରଣ ‘ନ’ ଏବଂ ‘ମ’ ଦୁଇଟି ବ୍ୟଞ୍ଜନବର୍ଣ୍ଣ ମିଶି ‘ନ୍ମ’ ହୋଇଛି । ‘ର’ ଏବଂ ‘ବ’ ଦୁଇଟି ବ୍ୟଞ୍ଜନବର୍ଣ୍ଣ ମିଶି ‘ର୍ବ’ ହୋଇଛି ।
ଦୁଇ ବା ଦୁଇରୁ ଅଧିକ ବ୍ୟଞ୍ଜନବର୍ଣ୍ଣ ମିଶିଲେ ଯୁକ୍ତବର୍ଣ୍ଣ ହୁଏ । ଯୁକ୍ତବର୍ଣ୍ଣକୁ ଯୁକ୍ତାକ୍ଷର ମଧ୍ୟ କହନ୍ତି ।
ତଳେ କେତେକ ଯୁକ୍ତବର୍ଣ୍ଣ ଏବଂ ସେହି ଯୁକ୍ତବର୍ଣ୍ଣ ଥିବା ଶବ୍ଦ ଦିଆଗଲା ।
| କ + ର = କ୍ର | ଚକ୍ର, ବକ୍ର, ଶୁକ୍ରବାର |
| ର + କ = ର୍କ | ଅର୍କ, କର୍କଶ, କୋଣାର୍କ |
| ନ + ମ = ନ୍ମ | ଜନ୍ମ, ଚିନ୍ମୟ, ଜନ୍ମେଜୟ |
| ଦ + ୟ = ଦ୍ୟ | ଗଦ୍ୟ, ବିଦ୍ୟୁତ, ବିଦ୍ୟାଧର |
| ହ + ଲ = ହ୍ଲ | କୋହ୍ଲ, ପ୍ରହ୍ଲାଦ, ଆହ୍ଲାଦ |
| କ + ଳ = କ୍ଳ | ଶୁକ୍ଳ, ଅକ୍ଳେଶ, ଶୁକ୍ଳେଶ୍ୱର |
| କ + ତ = କ୍ତ | ଭକ୍ତ, ବିରକ୍ତ, ଅବିଭକ୍ତ |
| ତ + କ = ତ୍କ | ଉତ୍କଳ, ସତ୍କାର, ଉତ୍କୃଷ୍ଟ |
୨୦ ■ ଆମ ଓଡ଼ିଆ ବ୍ୟାକରଣ