ଏହି ପୃଷ୍ଠାଟି ବୈଧ ହୋଇସାରିଛି
| (କ) | ମୁଁ ପଢ଼ିଲି | ଆମ୍ଭେମାନେ ପଢ଼ିଲୁଁ । |
| (ଖ) | ତୁମେ ପଢ଼ିଲ | ତୁମେମାନେ ପଢ଼ିଲ । |
| (ଗ) | ବାଳକଟି ପଢ଼ିଲା | ବାଳକମାନେ ପଢ଼ିଲେ । |
ଉପର ବାକ୍ୟଗୁଡ଼ିକରେ କ୍ରିୟାପଦଗୁଡ଼ିକ ବଦଳିଥିବାର ଦେଖିପାରୁଛ । କାହିଁକି ବଦଳିଛି ?
ପୁରୁଷ ଅନୁସାରେ କ୍ରିୟାପଦ ବଦଳେ ।
| ମୁଁ, ଆମେ, ଆମେମାନେ | ପ୍ରଥମ ପୁରୁଷ | |
| ତୁ, ତୁମେ, ତୁମେମାନେ | ଦ୍ୱିତୀୟ ପୁରୁଷ | |
| ଆଉ ଅନ୍ୟ ସମସ୍ତେ | ତୃତୀୟ ପୁରୁଷ |
ବିଭିନ୍ନ ବିଭକ୍ତିରେ ଏବଂ ଏକବଚନ ତଥା ବହୁବଚନରେ ପ୍ରଥମ ପୁରୁଷର ରୂପ ଏହିପରି ହୁଏ-
ମୋର, ଆମର, ଆମମାନଙ୍କର, ମୋଠାରୁ, ଆମଠାରୁ , ଆମମାନଙ୍କଠାରୁ, ମୋତେ, ଆମକୁ, ଆମମାନଙ୍କୁ, ମୋଠାରେ, ଆମଠାରେ, ଆମମାନଙ୍କଠାରେ ଇତ୍ୟାଦି ।
ଦ୍ୱିତୀୟ ପୁରୁଷର ରୂପ ଏହିପରି ହୁଏ-
ତୋର, ତୁମର, ତୁମମାନଙ୍କର, ତୋଠାରୁ, ତୁମଠାରୁ, ତୁମମାନଙ୍କଠାରୁ, ତୋତେ, ତୁମକୁ, ତୁମମାନଙ୍କୁ, ତୋପାଇଁ, ତୁମପାଇଁ, ତୁମମାନଙ୍କପାଇଁ ଇତ୍ୟାଦି ।
ଆମ ଓଡ଼ିଆ ବ୍ୟାକରଣ ■ ୫୧