ପୃଷ୍ଠା:Bichitra Ramayana or Bisi Ramalila (Biswanath Khuntia).pdf/୬୫

ଏହି ପୃଷ୍ଠାଟି ସଂଶୋଧନ ହୋଇସାରିଛି
ଆଦ୍ୟକାଣ୍ତ


ମନେ ମନେ ଭାଳି ମୁନି ମଠକୁ ଗଲେ ।

ଆସନ କରିଣ ଧ୍ୟାନ କରି ବସିଲେ ।।


ମରାଳ ଚଢ଼ିଣ ପିତାମହ ପ୍ରବେଶ ।

ଦେଖି ବାଲମିକ ପୂଜା କଲେ ବିଶେଷ ।।


ଧାତା ବୋଲନ୍ତି ହେ ମୁନି ରାମ ଚରିତ[୧]

ତୁମ୍ଭ ମୁଖରୁ ସ୍ଫୁରିବ ନ କର ହେଳା ।।


ଏତେ କ‌ହି ବ୍ରହ୍ମା ବ୍ରହ୍ମଲୋକ‌କୁ ଗଲେ ।
ବାଲମିକ ମୁନି ଗ୍ରନ୍ଥ ବିଚାର କଲେ ।।

ସାତ କାଣ୍ତ ରାମାୟଣ ରାମ ଚରିତ ।
ଶ୍ଳୋକ ବନ୍ଧେ ସ୍ଫୁରିଲା ମୁନିଙ୍କ ଉକତ ।।

ଏହା ଶୁଣି ଦୀନ ବିଶି ବିଚାର କଲା ।
ଗୀତ ବନ୍ଧ କରି ରାମାୟଣ ରଚିଲା ।।

ଗୋପକେଳୀ ରାଗେ

ବାଲ୍ମୀକି ପୁଣ ବସି ଅରଣ୍ୟ ମଧ୍ୟେ ଶ୍ରୀରାମ ଚରିତ ।
ଭବିଷ୍ୟ କଥା ପବିତ୍ର ଗାଥା କ‌ହନ୍ତି ଅତି ପବିତ୍ର ।।



ସର‌ଯୂ ନୀର ଅତି ମଧୁର ଶୀତଳ ପାତକ ହର[୨]
ବାସ ନିର୍ମଳ [୩] ଅତି ଗଭୀର ବେନିତଟ ମନୋହର ।।


  1. ଚରିତ୍ର ପୋଥି ପାଠ । ପ୍ରକାଶିତ ବ‌ହିରେ ଏହି ପଦଟି ଧାତା ବୋଲନ୍ତି ସୁନ୍ଦର ରାମ ଚରିତ ।
    ଶ୍ଳୋକ ବନ୍ଧରେ ସ୍ଫୁରିଲା ମୁନିଙ୍କ ଚିତ୍ତ । ବୋଲି ରହିଛି ।
  2. ପାତଳ କର ପୋଥି ପାଠ
  3. ସୁବାସ ନିର୍ମାଣ ପୋଥି ପାଠ