ଏହି ପୃଷ୍ଠାଟି ବୈଧ ହୋଇସାରିଛି
(୬୩)

ୟେହା ଶୁଣି ଭାଟ ଅଗ ହୋଇଣ ଗଲା ।
ଚାଟ ମାତା ପିତା ଆଗେ ଯାଈଂ କହିଲା । ୪୩ ।
ଇଚ୍ଛାବତୀ ଚାଟ ୟେକ କାଠି ମଧ୍ୟର ।
ନିର୍ଭରେ ରହିଲେ ଭୋଜ ନୃପତି ପୁର । ୪୪ ।
ୟେକ ଦିନେ ଚାଟ ବୋଲେ ଶୁଣ କୁମାରୀ ।
ପିତାଙ୍କୁ ଜଣାଅ ଯିବା ଆମ୍ଭର ପୁରୀ । ୪୫ ।
ମାତାଙ୍କ ଛାମୁରେ ଯାଈଂ ବେଗେ ଜଣାଅ ।
ବିନୟ ହୋଇ କହିବ ମେଲାଣି ଦିଅ । ୪୬ ।
ୟେହା ଶୁଣି ଜେମା ଗଲେ ମାତାଙ୍କ ପାସ ।
ଜୁଆଇଂ ବୋଈଲେ ଯିବୁ ଆମ୍ଭର ଦେଶ । ୪୭ ।
ୟେହା ଶୁଣି ରାଣୀ ରାଜା ଆଗେ ଜଣାଈଂ ।
ନିଜ ୩୦ ଦେଶେ ଯିବେ ତୁମ୍ଭ ଜେମା ଜୁଆଈଂ ।୪୮।
ଆମ୍ଭ ଘରେ ଥିବାର ତ ନୋହେ ବିହିତ ।
ସେ ମହାରାଜା ମଦନ ୩୧ବ୍ରହ୍ମର ସୁତ । ୪୯ ।
ଶୁଣି ଭୋଜ ନୃପ ମନେ ହରଷ ହେଲେ ।
ପଣ୍ଡିତ ହକାରି ଶୁଭ ଲଗ୍ନ ବୁଝିଲେ । ୫୦ ।
ରଥ ଗଜ ତୁରଙ୍ଗ ଯେ ପାଦାନ୍ତି ମାନ ।
ଦାସ ଦାସୀ ମହିଂଷି ସୁରଭି ଗହନ ୩୨ । ୫୧ ।
ଅଷ୍ଟରତ୍ନ ହାନ୍ଦୋଳା ବିଚିତ୍ର ଛାୟେଣି ୩୩
ଧନ ବଶ୍ର ଅଳଙ୍କାର କେ ପାରେ ଗଣି । ୫୨ ।


୩୦ । ନିଯେ (ପୋଥିପାଠ) ।

୩୧ । ସେ ମହାରାଯା ବ୍ରହ୍ମରାଜାର ସୁତ (ପୋଥିପାଠ) ।

୩୨ । “ସୁରଭ ଗହନର ଅର୍ଥ ସୁସ୍ପଷ୍ଟ ନୁହେଁ ।

୩୩ । ଛାଉଣୀ ଅର୍ଥରେ ।