କିଏ ଲୋ ସଜନୀ! କେଳି କଦମ୍ବ ମୂଳେ
| ←ଏଡ଼େ ନିର୍ଦ୍ଦୟା କାହିଁକି ସୁନାବରନା | କିଏ ଲୋ ସଜନୀ! କେଳି କଦମ୍ବ ମୂଳେ ଲେଖକ/କବି: କିଏ ଲୋ ସଜନୀ! କେଳି କଦମ୍ବ ମୂଳେ |
କଳାବତୀ ଖଞ୍ଜନାକ୍ଷି→ |
କିଏ ଲୋ ସଜନୀ! କେଳି କଦମ୍ବ ମୂଳେ
କିଏ ଲୋ ସଜନୀ! କେଳି କଦମ୍ବ ମୂଳେ
ଦିନେତ ଦେଖି ନଥିଲି ଏ ରୂପ ଡୋଳେ। ଘୋଷା।
ଜାଣଇ ସେ କି ଭେଳିକି? ଥରାଏ ହୃଦ ଥଳିକି,
ଲାଖି ରହେ କିଆଁ ଆଖି ତା ବାଙ୍କ ଚୂଳେ। ୧।
ଶୁଣି ତା ମୁରଲୀ ଗୀତ ଥୟ ହେଉନାହିଁ ଚିତ୍ତ,
ମୋହନ ମାଦକେ ମିତ ପାଦ ନ ଚଳେ। ୨।
ହସା ମିଶା ଭଙ୍ଗୀ ବାଣୀ ତା ଲାବଣ୍ୟ ଠିଆ ଠାଣି,
ପତିବ୍ରତା ନ ରଖିବ ପରା ଗୋକୁଳେ। ୩।
ବନମାଳୀ ଦାସ ଭଣି ଶୁଣ ରାଧେ-ଠାକୁରାଣୀ,
ସେ ମୋହନ ବଂଶୀପାଣି ତୁମ୍ଭରି ଛଳେ। ୪।