ଏହି ପୃଷ୍ଠାଟି ବୈଧ ହୋଇସାରିଛି
ଗୋବରଧନକୁ କରି ଧାରଣ
ଗୋପତାରଣ ଖେଦବାରଣ ।୧।
ଭାରତ ସମରେ ଅର୍ଜ୍ଜୁନ ପ୍ରେମରେ
ରଥଚାଲି ଶ୍ରମ ପାଇ ଆପଣ
ସେ ଶ୍ରମ ହରଣେ ଲୁଚିଥିଲ ବନେ
କନ୍ଦରାରେ ପୁଣି କି ହେଲା ମନ
ଉଚ୍ଚ ଭବନ କଲ ଭିଆଣ ।୨।
ନୀଳଗିରିସାଇଁ ବୋଲାଇ ଗୋସାଇଁ
ସିଂହାସନେ ବସି ହେଲ ମଉନ,
ଚିଆଇଁ ଶୋଇଲେ କିଏ ଉଠାଇବ
ଭୁଲିଲକି ସବୁ ଅନ୍ତର ଜାଣ
ମୋ ଦୁଃଖ ଟାଣ ହେଲ ପାଷାଣ ।୩।
ବିଷୟାରେ ମଜ୍ଜି ତୁମକୁ ନ ଭଜି
ମୁଁ ଆଜି ପତିତ ହେ ନାରାୟଣ
ଏକା ମୋ ଶରଣ ଶରଣ ରକ୍ଷଣ
ତ୍ରାହି କର ବାରେ ଗଜ ତାରଣ
ରଖ ଶରଣ ତବ ଚରଣ ।୪।
-୧୧-
