ପୃଷ୍ଠା:Prachina Odia Kabita.pdf/୨୮୯

ଛନ୍ଦା ଚଉତିଶା
ଭଉଂରୀ ଦାସ
ହରି ହୋ,କୃଷ୍ଣ ଭାବଗ୍ରାହୀ ଭକ୍ତ ସୋଦର
⁠କରୁଣା ବାରାଧି କୃପା ଅପାର ।
⁠ନାଥ ମୁଁ ଖୋଜୁଥିଲି ନିରନ୍ତରେ
⁠ଖଝିଅଛୁ ପ୍ରତ୍ୟକ୍ଷ ଦୃଷ୍ଟିରେ । ।୧।
ହରି ହୋ,ଗଗନ ବାଇ ଜ୍ୟୋତି ଜଳ କ୍ଷିତି
⁠ଗଢ଼ି ଭାଳୁଅଛୁ ଏ ପାଞ୍ଚ ଘେତି ।
⁠ନାଥ ତୁ ଘୋଟି ବ୍ରହ୍ମାଣ୍ତେ ଏକତ
⁠ଘୃତ କ୍ଷୀର ଯେହ୍ନେ ଗୁପତ । ।୨।
ହରି ହୋ,ଉଆଂସ ନିଶି ପୂର୍ଣ୍ଣଶଶୀ ପ୍ରାୟେ
⁠ଉଇଂଛ ଅଶେଷ ଏକା ଗୋଟାଏ ।
⁠ନାଥ ତୁ ଚଉବର୍ଗ ଦାନୀ ଅଟୁ
⁠ଚିତେ ଚିନ୍ତଇ ତ୍ରିଗୁଣ କାଟୁ । ।୩।
ହରି ହୋ,ଛ ଛନ୍ଦେ ତୋ ନାମ ତ୍ରିଗୁଣ
⁠ବ୍ରହ୍ମା ଛ ଋଷି ଜୀବପରମରୁ ଅଭିନ୍ନ ।
⁠ନାଥ ମୁଁ ଜାଗ୍ରତ ନିଦ୍ରା ମଧ୍ୟରେ
⁠ଜାଗି ଭେଟିଲି ନାମ ସେଠାରେ । ।୪।
ହରି ହୋ,ଝରଝର ବହେ ତ୍ରିବେଣୀ ଧାର
⁠ଝର ପଚ୍ଛିମ ନିର୍ଝରେ ତୋ ଘର ।
⁠ନାଥ ତୁ ନିରଞ୍ଜନ ପ୍ରଭୁ ହେଉ
⁠ନାମ ବହି ସର୍ବ ଘଟେ ଥାଉ । ।୫।
ହରି ହୋ, ଟାକଈଂ ଯେ ତୋତେ ତୁ ତାଙ୍କୁ ଟେକୁ
⁠ଟଳଇଂ ନାହିଂ ସେ ନେଉ ଟେକକୁ ।
⁠ନାଥ ତୁ ଠାକୁର ଅଟୁ ସବୁରି
⁠ଠିକେ ଠାବ କରିଛି ଭଉଂରୀ । ।୬।