ଦିନେ ଦିନେ ଚତୁରୀ ପ୍ରେମେ ହୋଇ ଆତୁରୀ
ଦିନେ ଦିନେ ଚତୁରୀ ପ୍ରେମେ ହୋଇ ଆତୁରୀ
ଦୀନେ ଦିନେ ଚତୁରୀ, ପ୍ରେମେ ହୋଇ ଆତୁରୀ
ମିତେ ଏକାନ୍ତେ କହନ୍ତି ବଂଶୀ ଚାତୁରୀ ।୧।
ଶବ୍ଦ ଶରୁଁ ସେ ଜାତ, ସରଳତା ସଞ୍ଜାତ
ପତିବ୍ରତୀକି କରାଉ ଅଛି ଲଜ୍ଜା ତ ।୨।
ମହତରେ କଳିତ, ବାଜୁଅଛି ଲଳିତ
କି କେ କୁଳବତୀ ମାନ ଦିଏ ଦଳିତ ।୩।
ମନ ଦିଏ ରସାଇ, ଧୈର୍ଯ୍ୟ ଦିଏ ଭସାଇ
ତା ଜାତିରେ ନେବ ପରା ଏବେ ମିଶାଇ ।୪।
ତନୁ ପୋଡ଼ାଇଲା ତ, ମନ ବୁଡ଼ାଇଲା ତ
ଶ୍ରବଣ ତା ମଧୁରତା ଲୋଡ଼ାଇଲା ତ ।୫।
ବାସ ପଡ଼ାଇଲା ତ, ତହିଁ ଗଡ଼ାଇଲା ତ
ବିବେକ ଛଡ଼ାଇ ବେକ ମୋଡ଼ାଇଲା ତ ।୬।